Latest News
Ang Canada ay nag-expand ng travel rules para sa citizens ng 13 countries, kasama ang Philippines. Ibig sabihin, pwede ka nang pumasok sa Canada nang hindi na kailangan ng traditional visitor visa kung qualified ka. Sa halip, kailangan lang ng Electronic Travel Authorization (eTA)—isang digital entry permit na kadalasan ay mabilis ma-approve online at mas mura kumpara sa regular visa. 
Ano ang Meaning ng “Visa-Free” Dito
Ang term na visa-free sa headlines ay nangangahulugang hindi mo na kailangan ng traditional visitor visa para sa short-term travel kung eligible ka. Pero hindi ito automatic access para makapagtrabaho o mag-migrate sa Canada. 
Electronic Travel Authorization (eTA):
  • Digital permit na naka-link sa passport mo.
  • Cost: CAD $7 (~Php300) at kadalasan minutes lang ang approval.
  • Valid for 5 years o hanggang sa expiration ng passport mo. 
Sino ang Eligible sa eTA
Para magamit ang eTA instead of regular visa, dapat pasok ka sa isa sa mga ito: 
  • May Canadian visitor visa ka dati sa last 10 years; OR
  • May valid US non-immigrant visa (tourist o work visa). 
Kung wala sa dalawa, kailangan mo pa rin ng regular visitor visa, na mas matagal, mas mahal (~CAD $100), at maraming supporting documents. 
Travel Mode Matters
Ang eTA ay valid lang kung air travel ang entry mo. Kung papasok ka via land (halimbawa galing US) o sea/cruise, kailangan mo pa rin ng regular visa. 
 
Ano ang Meaning Nito para sa OFWs & Aspirants
1. Para sa short-term travel at family visits 
Ang ating mga kababayang OFWs na nakatira sa ibang bansa o sa Pilipinas ay pwede nang bumisita sa Canada ng mas madali at mas mura kung qualified sa eTA. Halimbawa, kung may pamilya o kaibigan ka sa Canada, o gusto mo lang mag-tour, mas mabilis na ang process. 
2.  Para sa work opportunities sa Canada 
Ito ang pinaka-importanteng point: hindi pa rin automatic na pwede kang magtrabaho sa Canada dahil lamang sa eTA. 
  • Kailangan pa rin ng work permit o employment visa para magtrabaho legally. 
  • Ang mga OFWs at aspiring OFWs na naghahanap ng career growth abroad ay huwag masyadong mataas ang expectations. Ang eTA ay para lang sa short-term entry. 
3. Para sa long-term migration o permanent residency
  • Ang Permanent Residency at Skilled Worker Programs ay hindi naapektuhan ng eTA.
  • Sa mga OFWs na nag-iisip ng long-term career sa Canada ay kailangan sundin pa rin ang Express Entry, caregiver programs, o provincial nominee programs, na may sariling requirements at proseso. 
4. Mas madaling travel = mas strategic planning 
Kahit hindi ito work visa, magagamit ng OFWs at aspirants ang eTA para makabisita, mag-network, o mag-assess ng opportunities sa Canada.   
Halimbawa: 
  • Maaaring pumunta sa Canada para sa interviews o job orientations. 
  • Mag-research ng housing, lifestyle, at cost of living bago mag-apply sa long-term work visa. 
5. Important Reminder 
Mag-ingat sa mga misleading claims online na pwede ka nang magtrabaho basta-basta dahil “visa-free” ang Canada. Ang real work access ay may legal processes pa rin, at OFWs ay dapat laging siguraduhin na legit ang employer at visa pathway para maiwasan ang scams. 
 
Bottomline
Maganda ang news na ito para sa travel, lalo na kung may family reunion o short vacation plans sa Canada. Pero huwag isipin na madali na ang work opportunities. Kung plano mo talaga magtrabaho sa Canada, sundin pa rin ang tamang immigration at work permit processes at planuhin ang iyong career step by step. 
Kung gusto mo maghanap ng available opportunities sa Canada, you can visit WorkAbroad.ph 
Apply na, Kabayan!