Ang DOLE-AKAP program ay naglalayon magbigay ng one-time financial assistance na nagkakahalaga ng USD200.00 o Php10,000.00 sa landbased at seabased OFWs na nawalan ng trabaho dahil sa COVID-19. Narito ang mga detalye sa programang ito:

  1. MGA SAKOP NG PROGRAMA:
    1. Regular o Documented OFWs ayon sa 2016 Revised POES Rules and Regulations ay ang mga sumusunod:
      1. May valid passport at visa o permit na nagpapahintulot na manatili at magtrabaho sa bansang kinaroroonan;
      2. May contract of employment na mismong ang POEA o ang POLO ang nagproseso.
    2. Qualified Undocumented OFW
      1. Orihinal na isang regular o documented worker ngunit sa ilang kadahilanan ay nawalan ng regular o documented status;
      2. Hindi registered sa POEA o ang kontrata ay hindi naproseso ng POEA o ng POLO, ngunit nagpakita ng aksyon para ma-regularize ang kanilang kontrata;
      3. Hindi registered sa POEA o ang kontrata ay hindi naproseso ng POEA o ng POLO, ngunit aktibong miyembro ng OWWA sa oras ng pagkuha ng financial assistance.
    3. Balik-Manggagawa na hindi nakabalik sa bansang pinagtatrabahuhan dahil sa mga lockdown na pinatupad.
       
  2. MGA MAAARING MAG-AVAIL:
    1. Mga nawalan ng trabaho dahil sa lockdown o quarantine na pinapatupad sa bansang pinagtatrabahuhan o kaya ay dahil tinamaan ng sakit;
    2. Kasalukuyang nasa bansang pinagtatrabahuhan pa, o nasa Pilipinas bilang Balik-Manggagawa, o na-repatriate na sa Pilipinas; at
    3. Hindi pa nakakatanggap ng kahit na anong financial assistance mula sa bansang pinagtatrabahuhan o sa employer.
       
  3. MGA HAKBANG SA PAGKUHA:
    1. Para sa mga OFWs on-site:
      1. Magsumite ng mga sumusunod na dokumento sa POLO:
        • Accomplished Application Form para sa Special Cash Assistance na downloadable sa POLO website o social media accounts.  
        • Kopya ng Passport o Travel Document  
        • Pruweba ng overseas employment tulad ng valid verified overseas employment, Overseas Employment Certificate (OEC), resident I.D.s, visa/ re-entry visa o permit to stay sa bansang kinaroroonan;
        • Pruweba ng pagkawala ng trabaho dahil sa COVID-19 tulad ng notice of termination of employment o closure of the company issued by Foreign Recruitment Agency o ng employer, incident report ng employment termination na sinumite ng employer sa POLO, Philippine Embassy/Consulate POLO/OWWA certification/referral of displacement dahil sa COVID-19; at
        • Para sa mga Qualified Undocumented OFW, pruweba na sila ay may on-going case para maayos ito (case reference number, case endorsement stamped by POLO, etc.).
      2. Susuriin ng POLO ang mga dokumento sa loob 5 working days at ipapaalam sa OFWs ang status ng kanilang application.
         
    2. Para sa mga Balik-Manggagawa o Repatriated:
      1. Mag-apply online at pumunta sa link na ito dole-akap.owwa.gov.ph/. Ilagay lahat ng mga impormasyong hinihingi.
      2. I-click ang “NEXT” button at ihandang i-upload ang mga sumusunod:
        • Kopya ng Passport o Travel Document
        • Kopya ng flight ticket o boarding pass bilang pruweba ng pagbalik sa Pilipinas o arrival stamp/sticker sa passport
        • Pruweba ng overseas employment tulad ng valid verified overseas employment, Overseas Employment Certificate (OEC), resident I.D.s, visa/ re-entry visa o permit to stay sa bansang kinaroroonan;
        • Pruweba ng pagkawala ng trabaho dahil sa COVID-19 tulad ng notice of termination of employment o closure of the company issued by Foreign Recruitment Agency o ng employer, incident report ng employment termination na sinumite ng employer sa POLO, Philippine Embassy/Consulate POLO/OWWA certification/referral of displacement dahil sa COVID-19; at
        • Para sa mga Qualified Undocumented OFWs, pruweba na sila at ang kanilang employer ay gumawa ng aksyon para sila sa ma-regular tulad ng employment contract, payslip, work visa, atbp.
      3. I-click ang “SUBMIT” button. I-check ang email para sa confirmation receipt.
      4. Susuriin ng OWWA Regional Welfare Offices ang mga dokumento sa loob ng 5 working days at ipapaalam sa OFWs ang status ng kanilang application. Maaaring tawagan o i-message ang mga OFW sa contact details na kanilang ibinigay o kaya ay sa kanilang FB Account. Ihanda ang mga actual documents in case na kailangan ipakita.
         
  4. PAG-ISSUE NG FINANCIAL ASSISTANCE
    Sa oras na maaprubahan ang application, ipapadala ang pera sa pamamagitan ng bank transfer o money remittance o Peso Net (local).